婆婆語錄

「食飽飯走ell囉！」
孫女問舅父在哪兒。

「咔咔咔咔……唔怪之得我食唔到啦！唔記得左戴！」
晚飯時，孫女見婆婆「梅」白切雞，問起她的假牙。

「噗噗噗佢走左去，我追唔到。」
婆婆解釋現在自己不能湊孫的原因。

「阿囡牙，……」
婆婆對女兒、孫女……鄰居的女兒、所有女性晚輩的稱呼。

「大陸果d人牙，樹上隻了哥都氹到落黎呀！」
婆婆對香港男士在大陸包二奶的慨嘆。

「做緊咩戲呀？」
「戲」的意思應該是電視節目，因為那時無線正播放一個綜藝節目，唱著懷舊歌曲。

「唔好整n 啲地方呀！」
「n」的意思是污糟，經兒孫們的細心解釋和勸止，婆婆已經少用了這個字。

「你寫哂字未呀？」
意思是「做完功課未？」，寫字泛指一切與學習有關的活動。

「坳你唔好去架啦！你又唔聽！」
「坳」在讀第一聲(au1)，應該係「嗌」的誤讀。

「唔好唔好！曉曉聲，好似隻紙『曉』咁飛左去！」
應該是另一個誤讀。婆婆不喜歡孫女用「曉」字命名。

「叫佢打個電話黎阿婆婆啦！」
婆婆懂得在孫女的留言信箱留言。

「奶茶走糖呀！」
婆婆喜飲西茶，習慣加煉奶，孫女也是。