參觀嘉道理

以下是今午參觀嘉道理的收獲：

甫下車，我帶的一小隊學生已急不及待要去洗手間。
部份快快就歸隊了，良久，終於，最後一個出來，笑得合不攏嘴，
跌左叠筆記落尿兜！
難為幫他收拾的老師。

探訪那些不會說話的動物、伏在解說的圖版上奮筆疾書、喝過種種有機的飲料，他們又快樂地回到車上：

A：你知唔知邊條係香港最長既隧道？
B & C & D：......
A：人人以為係大老山，其實係大欖，大老人有28個逃生出口，大欖有36個。我仲度過，真係大欖長啲。
B & C & D：你點度？
A：用車位度。
B & C & D：......

C：有咩野係識溜冰既呢？
B：花。

B：有咩野動物識打桌球？
C：鷹。

D：有個人，敲左三次門，都唔開門比佢，第四次就開啦，點解呢？
E：人有三急。

D：有個菲傭，飛飛下融左，入左邊度呢？
D：融入家中。

P：點解馬騮咁鍾意影相？
A：自動變焦。

B：你夠膽就係校長面前講粗口！
A：好呀！粗口！
P：好呀！等我話比你媽咪聽你係架車度講粗口，睇下佢點諗。

E：嘩！有人衝紅燈呀！我認得佢係邊個！
C：Black Mark will be given.
P：唔係，要問吊。

他們在背後吱吱喳喳的講過不停，多累也笑醒了。